A ESTRELEIRA

Branco Vía Láctea e tenra xiada.

Azul de Mil Ríos e da fontiña ciscada.

Roxo de sangue irmandiña na batalla botada.

Encontro e xuntanza tricolor na estreleira izada.

Branco da nova neve e da charquiña feita escarcha.

Azul na faciana celta da guerreira sempre brava.

Roxo sangue de porco no mandil da anterga gandeira.

Encontro e xuntanza tricolor na estreleira ondeada.

Branco tempo eterno e memoria lembrada.

Azul de ceo aberto, Atlántico finisterrae e Artabria.

Roxo revolucionario, milleiros de mártires e pegadas.

Encontro e xuntanza tricolor na estreleira cheíña de anceios e espranzas.

*Ángel Amaro